Ավստրիայում, այսօր՝ դեկտեմբերի 4-ին, ընթանում է նախագահական ընտրությունների երկրորդ փուլը, գրում է գերմանական Zeit թերթը։ Ավելի վաղ դրանք նախատեսվել էին անցկացնել հոկտեմբերին։

Մայիսի 22-ին տեղի ունեցած ընտրություններում հաղթել էր կանաչների կուսակցության ներկայացուցիչ Ալեքսանդեր Վան դեր Բելենը։ Նա ստացել էր ընտրողների 50,3 տոկոսը, իսկ իր մրցակից Նորբերտ Հոֆերը՝ 49,7 տոկոսը, բայց հետո նրա կուսակցությունը բողոքարկել էր ընտրությունների արդյունքները մի քանի ընտրատարածքներում։