Դեկտեմբերի 5-ին տեղի կունենա Կարապի լճի սահադաշտի 12-րդ տարեշրջանի բացումը։
Երեւանի քաղաքապետարանի տարածած հաղորդագրության մեջ մասնավորապես, ասվում է.
«Դեկտեմբերի 5-ին, ժամը 18:00-ին, հրավիրում ենք Կարապի լճի հարակից տարածք՝ ներկա գտնվելու սահադաշտի 12-րդ տարեշրջանի հանդիսավոր բացմանը, որի ընթացքում ցուցադրական ելույթներով հանդես կգան Երեւանի Իրինա Ռոդնինայի գեղասահքի դպրոցի սաները:
Սահադաշտը գործելու է ամեն օր` ժամը 11:00-22:00-ը:
Չմշկասահքի, ձմեռային մարզաձեւերի, ինչպես նաեւ ակտիվ հանգստի բոլոր սիրահարներին սիրով հրավիրում ենք դառնալ Կարապի լճի սահադաշտի հերթական տարեշրջանի բացման մասնակիցը»: