Հայաստանի Հանրապետությունում Հարավային ռազմական օկրուգի ռուսական ռազմաբազայի զինծառայողները 1988 թվականի դեկտեմբերի 7-ի Սպիտակի երկրաշարժի զոհերի հիշատակի 28-րդ տարելիցի նախաշեմին սկսել են ռուս զինծառայողների գերեզմանների եւ հուշարձանների վերականգնման եւ բարեկարգման աշխատանքները։ Այս մասին հայտնում է Հարավային ռազմական օկրուգի մամուլի ծառայությունը։
Շիրակի եւ Լոռու մարզերում, Գյումրիի զինվորական կայազորում զինծառայողները հուշարձանների մաքրման, վերանորոգման, ներկման աշխատանքներ են կատարում։
Դեկտեմբերի 7-ին Գյումրիում՝ «Մեծ ամրոց» զինվորական ավանում, ողբերգության զոհերի հիշատակի միջոցառումներ տեղի կունենան։ «Ռազմական փառք» հուշահամալիրի մոտ շարք կկանգնեն Գյումրիի կայազորի ստորաբաժանումները, այնտեղ կկայանա նաեւ հանրահավաք։
