Երբեւէ պատկերացրե՞լ եք ձեզ հայկական ազգային տարազով:  Arloopa եւ The NAME production-ը թողարկել են  Armenian National Costume հավելվածը, որի միջոցով կերելի է գեներացնել ազգային տարազով լուսանկարներ: Arloopa–ն ապահովել է հավելվածի տեխնիկական մասը, իսկ The NAME production-ը` գեղարվեստական։

«Հավելվածը ստեղծելու գաղափարը առաջացավ մեզ մոտ»,- ասում է The NAME Production թիմի անդամ Նռանե Գրիգորյանը:«Լինելով երիտասարդ պրոդյուսեր աղջիկների խումբ՝ միշտ հիացել ենք մեր նախնիների գունեղ, գեղեցիկ, գույնզգույն արդուզարդով եւ զգեստներերով։ Մեզ միշտ հետաքրքրել է, թե ինչ զգացողություններ են ունեցել մեր տատիկները՝ նույնիսկ առօրեայում կրելով այդպիսի ճոխ զգեստներ։ Միաժամանակ լինելով նորարարությունների եւ ժամանակակից միտումների մեծ կողմնակից եւ կրող՝ մենք որոշեցինք ստեղծել մի գործիք, որը հնարավորություն կտա աշխարհի բոլոր ծայրերում գտնվող հայուհիներին՝ անկախ իրենց գտնվելու վայրից, տարիքից, լեզվից եւ արտաքինից, ունենալ տարազ կրելու զգացողությունը։ Մեր գաղափարը տեխնիկապես իրագործելու հարցում մեզ օգնեց Arloopa ընկերությունը»:

Հավելվածը ստեղծելու համար The NAME Production թիմը համագործակցել է նաեւ Հայաստանի պատմության թանգարանի հետ, որը տրամադրել է անհրաժեշտ նյութերը։ «Սա համարվում եմ բացառիկ համագործակցություն, քանի որ տարազների բնօրինակները պահպանում են միայն թանգարանում, իսկ այժմ հավելվածի շնորհիվ սփյուռքում գտնվող մեր հայրենակիցները կարող են դրանք տեսնել եւ դրանց մասին մանրամասնություններ ուսումնասիրել՝ չլինելով Երեւանում»,- ասում է Նռանե Գրիգորյանը։

Հավելվածը ստեղծվել է AR` լրացված իրականություն տեխնոլոգիայի միջոցով, որը հնարավորություն է տալիս «իրականությանը» ավելացնել «վիրտուալ զգեստը»:

Շուտով հավելվածի շրջանակներում հնարավոր են նոր համագործակցություններ, որոնք օգտատերերին կտան նոր հնարավորություններ։

Հավելվածը անվճար տարբերակով հասանելի է

App Store - https://play.google.com/store/apps/details?id=com.arloopa.anc

Play Market - https://itunes.apple.com/am/app/armenian-national-costume/id1134967159?mt=8