Ռուսաստանի առողջապահության նախարար Վերոնիկա Սկվորցովան մեկնաբանել է Տյումեն-Խանտի-Մանսիյսկ մայրուղում ճանապարհային պատահարից տուժած երեխաների վիճակը, այսօր հայտնել է «Ինտերֆաքս»-ը:
Ներկայումս վերակենդանացման բաժանմունքում են 10-ից մինչեւ 16 տարեկան 11 երեխաներ: «Նրանք գլխի ծանր վնասվածքներ են ստացել՝ գանգի հիմնի եւ գանգի թաղի կոտրվածքներ, ուղեղի արյունազեղում, նաեւ այլ վնասվածքներ՝ երկար խողովակավոր ոսկրերի բեկորային կորտրվածքներ, կոնքի կոտրվածքներ, 16 տարեկան երկու աղջիկների մոտ պայթել են ներքին օրգաները: Ծայրահեղ ծանր վիճակում գտնվող աղջիկներն արդեն վիրահատվել են»,- հայտարարել է նախարարը:
Սկվորցովայի խոսքով՝ առաջիկա օրերը վճռորոշ կլինեն, քանի որ գլխուղեղի այտուցը մեկ շաբաթվա ընթացքում է առաջանում:
