Իրենց մի քանի ամսվա աշխատավարձն ու մթերած կաթի դիմաց կուտակված գումարը պահանջող ճամբարակցիներին «Աշտարակ կաթ» գործարանի տնօրինությունը գումարի փոխարեն ռոկֆոր տեսակի պանիրը տվել է կիլոգրամը 2000 դրամով: Ինչպես NEWS.am-ի հետ զրույցում ասաց Ճամբարակի քաղաքապետ Յուրա Ավալյանը, ի սկզբանե ճամբարակցիների եւ գործարանի տնօրինության միջեւ պայմանավորվածությունը եղել է 1 կիլոգրամ պանիրը 2500 դրամով քաղաքացիներին տրամադրելու վերաբերյալ, սակայն, ավելի ուշ սկզբնական պայմանավորվածությունը փոխվել է:
«Այժմ գործարանում շուրջ 60 տոննա ռոկֆոր տեսակի պանիր կա, սակայն, խնդիրը այն իրացնելու մեջ է: Եթե գործարանից հանենք՝ կփչանա: Դրա համար էլ այժմ շուկա ենք փնտրում, փորձում ենք նաեւ կապեր գտնել՝ պանիրը Ռուսաստան արտահանելու համար»,-ասաց քաղաքապետը:
Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով: |
Ավելի վաղ տեղեկացրել էինք, որ նոյեմբերի 29-ին ճամբարակցիների եւ «Աշտարակ կաթ» ընկերության տնօրինության միջեւ ձեռք է բերվել պայմանավորվածություն՝ պարտքի դիմաց ռոկֆոր տեսակի պանիր ճամբարակցիներին տրամադրելու վերաբերյալ:
Նշենք, որ «Աշտարակ կաթ» ընկերությունը ճամբարակցիներին պարտք է շուրջ 70 միլիոն դրամ: