Ռուսական «Սու-33» կործանիչը Միջերկրական ծովում վթարի է ենթարկվել «Ադմիրալ Կուզնեցով» ավիակրի վրա վայրէջք կատարելիս: ՏԱՍՍ-ի փոխնացմամբ՝ այս մասին նշված է Ռուսաստանի պաշտպանության նախարարության հաղորդագրության մեջ:
«Սիրիայի երկնքում մարտական խնդիրը կատարելուց հետո «Ադմիրալ Կուզնեցով» ավիակիր հածանավի վրա վայրէջք կատարելիս աերոեզրագծի ճոպանի կտրվելու պատճառով «Սու-33» կործանիչը տախտակամածի սահմաններից ջուրն է ընկել»,- նշված է հաղորդագրության մեջ:
«Օդաչուն կատապուլտվել է եւ որոնողափրկարարական ծառայության ուժերով անմիջապես հասցվել է ավիակիր: Օդաչուի առողջությանը ոչինչ չի սպառնում»,- հայտնել են ՌԴ նախարարությունից:
Միջերկրական ծովում սա ռուսական կործանիչների հետ կապված առաջին պատահարը չէ: նոյեմբերի կեսին «ՄիԳ-29»-ը, որն օդ էր բարձրացել «Ադմիրալ Կուզնեցով» ավիակրից, նույնպես Միջերկրական ծովում վթարի էր ենթարկվել: