Հանրային ծառայությունները կարգավորող հանձնաժողովի կողմից արեւային կայանների համար սահմանված սակագինը վերաբերում է բացառապես մինչեւ 1 մեգավատ հզորություն ունեցող կայաններին։
ՀՀ էներգետիկ ենթակառուցվածքների եւ բնական պաշարների նախարարությունից NEWS.am-ին հայտնում են, որ փոխնախարար Հայկ Հարությունյանի խոսքով, այն որեւէ կերպ չի առնչվում սեփական կարիքների բավարարման նպատակով ֆիզիկական եւ իրավաբանական անձանց կողմից տեղադրվող մինչեւ 150 կՎտ հզորությամբ ինքնավար կայաններին։ Վերջիներիս սակագինը կարգավորված է «Էներգախնայողության եւ վերականգնվող էներգետիկայի մասին» օրենքով։
Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով: |
Ըստ այդմ, սեփական կարիքները բավարարելուց հետո, ավելցուկային էլեկտրաէներգիան բաշխիչ ցանցերին վաճառելիս ինքնավոր արտադրողները ստանում են փոխհատուցում` գործող սակագնի 50 տոկոսի չափով։
Հայկ Հարությունյանի փոխանցմամբ՝ նոյեմբերի 16-ին Հանրային ծառայությունները կարգավորող հանձնաժողովի հաստատած սակագինը 1 մեգավատանոց արեւային կայանների համար կազմում է 42,6 դրամ, առանց ԱԱՀ։ Նույնը գործում է հողմային կայաններում արտադրվող էլեկտրաէներգիայի դեպքում։ Մեր հաշվարկները ցույց են տալիս, որ այն բավական արդյունավետ սակագին է նման կայանների համար։
Բացի այդ, պետությունը 20 տարի ժամկետով երաշխավորում է դրանց կողմից արտադրված էլեկտրաէներգիայի գնումը։
Նշենք նաեւ, որ ի տարբերություն ինքնավարների՝ մինչեւ 1 մեգավատանոց կայանների գործունեությունը ենթակա է լիցենզավորման։