Իրանի նախագահ Հասան Ռոհանիի գալիք այցը Հայաստան չի դառնա արմատական փոփոխությունների սկիզբ իրանահայկական հարաբերություններում։ NEWS.am-ի թղթակցի հետ զրույցում նման տեսակետ է հայտնել իրանագետ, պրոֆեսոր Գառնիկ Ասատրյանը։
Նրա խոսքով կա տեղեկություն, որ Իրանի նախագահի Հայաստան կատարելիք այցի ժամանակ կստորագրվեն երկկողմանի պայմանագրեր ու հռչակագրեր։ Այդուհանդերձ, իրանագետը վստահ է, որ Ռոհանիի այցելությունը դրական կանդրադառնա երկկողմանի հարաբերությունների վրա։ «Ռոհանիի այցելությունը նոր ազդակ կդառնա երկու երկրների հարաբերությունների եւ համագործակցության ամրապնդման համար»,- ասել է Ասատրյանը։
Նշենք, որ դեկտեմբերի վերջին տասնօրյակին Իրանի նախագահ Հասան Ռոհանին պաշտոնական այցով Հայաստան կայցելի։