Ուկրաինայի ներքին գործերի նախարար Արսեն Ավակովը ընդհատել է Կանադա կատարած իր այցելությունը։
«ՌԻԱ Նովոստին», վկայակոչելով Ուկրաինայի ՆԳՆ մամուլի ծառայությունը,հայտնում է, որ այցը ընդհատվել է Կիեւի շրջանում տեղի ունեցած ողբերգական դեպքի կապակցությամբ, որի ժամանակ հինգ ոստիկան են սպանվել։
Նախօրեին հինգ ոստիկան է զոհվել Կիեւի շրջանի Կնյաժիչի ավանում Պահպանության պետական ծառայության (որը Ազգային ոստիկանության կազմում է) ու Ազգային ոստիկանության ստորաբաժանման աշխատակիցների միջեւ փոխհրաձգության ժամանակ ։ Ուկրաինայի նախագահ Պյոտր Պորոշենկոն կոչ է արել պատժել մեղավորներին, Գլխավոր դատախազությունը հետաքննություն է սկսել «սպանություն» հոդվածով։ Ընդ որում ուկրաինական լրատվամիջոցները տարակուսանք են հայտնել այս ողբերգական իրադարձությունների ֆոնին ՆԳ նախարարի բացակայությամբ։
