Քենիայում հոգեբուժարանից ավելի քան հարյուր հիվանդ է փախել՝ օգտվելով բողոքի ակցիային մասնակցող բժիշկների բացակայությունից։

«Ֆրանս փրես» գործակալության փոխանցմամբ ոստիկանությանը հաջողվել է բռնել մի քանի տասնյակ մարդու ։ Համացանցում հայտնված տեսահոլովակներում երեւում է, թե ինչպես են   կլինիկայի հիվանդները փախչում՝ ցատկելով հիվանդանոցի պատի վրայից։ Ոստիկանությունը փախստակներին որոնելու գործողություն է սկսել։

Քենիայում դեկտեմբերի 5-ին բժիշկների, դեղագործների, ատամնաբույժների, ցածր աշխատավարձերի ու աշխատանքի անբավարար պայմանների դեմ բողոքողների ակցիա էր անցկացվում։ Գործակալության տվյալներով ակցիային մասնակցել է մոտ 5 հազար մարդ։ Մինչ այդ հայտնել էին, որ Նայրոբիում ոստիկանությունը ցուցարարներին ցրելու համար արցունքաբեր գազ է կիրառել։