Հայաստանը շատ ապրանք, արտադրանք չունի, որը Եվրոպայում մրցունակ է, ընկալելի եւ ընդունելի: Այս մասին այսօր` դեկտեմբերի 5-ին, լրատվամիջոցների ներկայացուցիչների հետ հանդիպմանն ասաց վարչապետ Կարեն Կարապետյանը` պատասխանելով հարցին, թե ինչքանով էր ճիշտ ԵՏՄ-ին ամդամագրվելը:

«Մտնելով այդ ակումբը (ԵՏՄ- խմբ.)` մենք հնարավորություն ունենք 200 միլիոնանոց շուկայում աշխատելու: Արդյունավետ կաշխատենք, լավ կլինի, ոչ էֆեկտիվ կաշխատենք, լավ չի լինի: Եթե լավ չլինի, չի նշանակում` ակումբն էր վատը, պատճառը մեր ոչ արդյունավետ աշխատելը կլինի: Երկրորդ, ընկերություն անելով, մի ակումբի անդամ լինելով` մենք մերժո՞ւմ ենք բոլոր մյուս հարթակներում աշխատելու հնարավորությունը: Մեր ձեռքը մեկը բռնե՞լ ա, որ ԵՄ չգնանք, բիզնես անելու փորձ չանենք: Դուք գիտե՞ք մի բիզնես, որը պոտենցիալ ունի, սակայն ԵՄ-ն չի ընդունում, որովհետեւ ԵՏՄ անդամ է, իհարկե, ոչ»,- ասաց Կարեն Կարապետյանը:

Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով:

Վարչապետը համոզված է, որ Հայաստանը կարող է օգտվել Ռուսաստանի նկատմամբ եվրոպական երկրների կիրառած սանկցիաներից. եվրոպական ընկերությունները կարող են իրենց ապրանքը ԵՏՄ շուկա մտցնել Հայաստանի միջոցով:

Անդրադառնալով Հայաստանի արտաքին իմիջին` Կարեն Կարապետյանը նշեց, որ այն ձեւավորվում է միմիայն մշտական աշխատանքի միջոցով. «Արտաքին իմիջն այն չի, որ գնաս վարսավիրանոց, սանրվես, հագնվես եւ իմիջդ փոխվում է»: