Պայմանական վաղակետ ազատ արձակման համակարգում բազմաթիվ խնդիրներ կան: Այս մասին լրագրողների հետ զրույցում հայտարարել է Հայաստանի մարդու իրավունքների պաշտպան Արման Թաթոյանը:
Նրա խոսքով՝ համակարգը լիարժեք չէ: Միաժամանակ, դատապարտվածը գործընթացի լիարժեք անդամ չի համարվում:
«Ձերբակալության պահից ի վեր քաղաքացուն պետք է պատրաստել հասարակություն վերադառնալուն: Անընդունելի է, երբ պետությունն այս կամ այն պատճառներով բավարար ջանքեր չի գործադրում այդ ուղղությամբ, մեկուսացնում է քաղաքացուն, հետո հայտարարում, որ նա պատրաստ չէ ազատ արձակվելուն»,- ընդգծել է օմբուդսմենը:
Նրա խոսքով՝ այդ հարցի շուրջ մոտեցումներում սկզբունքային փոփոխություններ են անհրաժեշտ:
