Պեկինում դատարանն առաջին անգամ տղամարդուն իր կնոջից պաշտպանելու անհրաժեշտության մասին որոշում է կայացրել, քանի որ կինը կանոնավոր կերպով ծեծում էր նրան։ Դատարանը կնոջն արգելել է 200 մետրից ավելի մոտենալ ամուսնուն, հայտնում է China Daily–ն։
Ամուսինների գործով դատական նյութերում ասված է, որ նրանք ամուսնացած են 2014 թվականից, եւ տղամարդը պնդում է, որ ամեն դատարկ բանից իրենք վիճում են։ Նրա խոսքով՝ ինքը կնոջ կողմից բռնության է ենթարկվել մայիսին։ Կինը ծեծել էր ամուսնուն նաեւ նոյեմբերին նորածին երեխայի ներկայությամբ, ինչից վերջինս սաստիկ վախեցել էր։ Տղամարդը նաեւ դատարանին բժշկական տեղեկանք էր ներկայացրել մարմնական վնասվածքների մասին։
Դատարանը տղամարդուն կնոջից պաշտպանող 6-ամյսա օրդեր է տվել, որով կնոջն արգելվում է անհանգստացնել ամուսնուն, սպառնալ նրան կամ այլ վնաս հասցնել։ Դատարանը կնոջը պարտադրել լքել բնակարանը եւ 200 մ ավելի չմոտենալ ամուսնուն։ Որոշմանը չենթարկվելու դեպքում կնոջը կարող են 15 օրով ձերբակալել եւ տուգանել 1000 յուանով։