Նոյեմբերի 28-ից դեկտեմբերի 3-ը Երեւանում իրականացված ծառայության ընթացքում ՃՈ ճանապարհապարեկային ծառայության առաջին սպայական գումարտակի ծառայողների կողմից ճանապարհային ոստիկանության հատուկ պահպանվող տարածք է տեղափոխվել 73 տրանսպորտային միջոց:
Ոստիկանության մամուլի ծառայությունից NEWS.am-ին հայտնում են, որ այդ մեքենաներից 40-ի վարորդները մեքենան վարել է ոչ սթափ վիճակում, իսկ 33-ի նկատմամբ վարչական իրավախախտման վերաբերյալ արձանագրություն է կազմվել համապատասխան փաստաթղթեր չունենալու եւ այլ խախտումների համար:
Մարզերում նոյեմբերի 28-ից դեկտեմբերի 4-ը ՃՈ ճանապարհապարեկային ծառայության երկրորդ սպայական գումարտակի ծառայողների կողմից իրականացված ուժեղացված ծառայության ընթացքում ՃՈ հատուկ պահպանվող տարածք է տեղափոխվել 72 տրանսպորտային միջոց, որից 67-ի վարորդները մեքենան վարել է ոչ սթափ վիճակում, 10-ի նկատմամբ վարչական իրավախախտման վերաբերյալ արձանագրություն է կազմվել մեքենան թաղանթապատված հողմապակիով վարելու, իսկ 15 վարորդի՝ ժամկետանց ԱՊՊԱ պայմանագրով երթեւեկելու եւ եւ այլ խախտումների համար:
