Վրաստանի ընդդիմադիր «Նոր քաղաքական կենտրոն-Գիրչի» կուսակցությունը, որը հանդես է գալիս մարիխուանայի օրինականացման օգտին, երկրի առաջին դեմքերից մեկին մեղադրել է այդ թեթեւ թմրանյութի օգտագործման մեջ: Այս մասին հայտնում է «Sputnik-Գրուզիա»-ն:
Վրաստանում միակ Facebook-յան կուսակցություն «Գիրչին» խոստացել է ամանորյա գիշերը կանեփ ցանել, որպեսզի կառավարության ուշադրությունը հրավիրի խորհրդարանում եւ կառավարությունում մարիխուանայի օրինականացման հարցի անհրաժեշտության վրա:
«Գիրչի» կուսակցությունը անուններ չի հրապարակել:
Նշենք, որ Թմրակախվածության հետազոտական կենտրոնի եւ Հիվանդությունների վերահսկման ու հասարակական առողջության ազգային կենտրոնի տվյալների համաձայն՝ Վրաստանում 4,8 հազար հարցվածներից 15,9 տոկոսը կյանքում գոնե մեկ անգամ մարիխուանա է ծխել: Վրաստանում մարիխուանա օգտագործողների միջին տարիքը տղամարդկանց շրջանում 19-22 է, կանանց շրջանում՝ 20-22: Տղամարդկանց շրջանում նվազագույն տարիքը 12 է, կանանց՝ 17: