Հայաստանի ԱԻՆ-ում, այսօր՝ դեկտեմբերի 6-ին, ժամը 09.44-ին ահազանգ է ստացվել, որ Սպիտակ-Երեւան ավտոճանապարհին տեղի է ունեցել ավտովթար. ավտոմեքենան դուրս է եկել ճանապարհի երթեւեկելի հատվածից, առկա է կողաշրջվելու վտանգ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ3 միջպետական ավտոճանապարհի Սպիտակ-Երեւան հատվածի 6-րդ կմ-ում «Dodge Grant Caravan» մակնիշի YFY-052 համարանիշի (վարորդ 60-ամյա Ս. Բ.) ավտոմեքենան (5 ուղեւոր) դուրս է եկել ճանապարհի երթեւեկելի հատվածից եւ բախվել էլեկտրական սյանը. առկա է կողաշրջվելու վտանգ:
Փրկարաները «Dodge Grant Caravan» ավտոմեքենան դուրս են բերել ավտոճանապարհի երթեւեկելի հատված, ինչպես նաեւ դեպքի վայրում ձյան շերտի արգելափակումից դուրս են բերել երկու մարդատար ավտոմեքենա: