ԱՄՆ–ում գործարանից BMW ավտոմեքենաներ տեղափոխող գնացքը դուրս է եկել գծերից Սպարտանբուրգի մոտակայքում։ Միջադեպի հետեւանքով վնասվել է 120 քրոսովեր, այդ թվում՝ X3, X4, X5 եւ X6 մոդելի։ Դրանք ուղեւորվում էին Չալսթոնի նավահանգիստ, որտեղից էլ պետք է ուղարկվեին արտահանման, հայտնում է KWES–ը։

Automotive News–ի փոխանցմամբ գնացքը դուրս է եկել գծերից Բլեր քաղաքի մոտակայքում։ Գնացքը կազմված էր 2 լոկոմոտիվից եւ 12 վագոնից, որոնցից յուրաքանչյուրը տեղափոխում էր 10 մեքենա։

Norfolk Southern ընկերությունը, որին պատկանում էին գնացքները, հայտնել է, որ վթարից վնասվել են երկաթգծերը, որոնք հիմա վերանորոգվում են։ Անձնակազմի անդամներից ոչ ոք չի տուժել։