Բյուջեն քաղաքական փաստաթուղթ է, իսկ քաղաքական փաստաթուղթը պետք է քաղաքական լուծումներ առաջարկի: Այս մասին այսօր՝ դեկտեմբերի 6-ին, ԱԺ-ում 2017թ. պետական բյուջերի մասին օրենքի նախագծի քննարկման ժամանակ ասաց ԱԺ ՀԱԿ խմբակցության պատգամավոր Արամ Մանուկյանը:

«Ձեր ներկայացրած ծրագիրն այսօրվա իրավիճակին բացարձակ ադեկվատ չէ: Դուք ներկայացնում եք թվեր, բայց բյուջեի իմաստը դա չէ: Դուք Հայաստանի տնտեսության հիվանդ կողմերին բացարձակ չեք անդրադառնում, չեք արտասանում՝ կոռուպցիա, մենաշնորհ, ազատ մրցակցություն բառերը: Ճիշտ եք ասում՝ տնտեսությունը պետք է զարգանա, որ իքս գումարը դառնա երկու իքս գումար, բայց որ՞ն է ձեր կոնցեպտը, ինչո՞վ եք տարբերվում նախորդ կառավարությունից: Չէ՞ որ վիճակը ճգնաժամայիան է: Կես ժամ ինչ-որ դպրոցի վիճակի, կամ պատգամավորի առաջարկը ներկայացնելը Ձեր առաքելությունը չէ, նոր կառավարություն եք նոր կոնցեպտով եք եկել, բայց այդ կոնցեպտը չկա»,-ասաց ՀԱԿ խմբակցության քարտուղարը:

Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով:

Արամ Մանուկյանը նշեց, որ  Հայաստանի տնտեսությունը տառապում է կոռուպցիայի, մենաշնորհի եւ այլ բացասական հիվանդությունների արդյուքնում, բայց դրա դեղատոմսը չկա. «Դրա դեղամտոմսը բերե՞լ եք, 3 ամիս է ասում եք՝ վարչապետը սպասում է  իրավիճակի վերլուծության, որից հետո կլինի դեղատոմսը, դեղատոմսը առաջարկեք»: