Հնդկաստանը հանդես է գալիս Եվրասիական տնտեսական միությանը արագ ինտեգրվելու օգտին: «ՌԻԱ Նովոստի»-ի փոխանցմամբ՝ այս մասին հայտարարել է Մոսկվայում Հնդկաստանի դեսպան Գանգադհարան Բալասուբռամանիանը:
«Հնդկաստանը ԵՏՄ-ի հիմնական գործընկեր է համարվում, եւ անցած ամբողջ տարվա ընթացքում աշխատած աշխատանքային խումբը երաշխիքներ է հրապարակել, որ Հնդկաստանի եւ միության երկրների միջեւ բիզնեսը շատ լավ կզարգանա»,- ասել է Եվրասիական տնտեսական երրորդ կոնգրեսում ելույթ ունեցած դիվանագետը:
Նրա խոսքով՝ Հնդկաստանի եւ ԵՏՄ-ի միջեւ «գոյություն ունի համագործակցության մեծ պոտենցիալ»:
«Մենք կցանկանայինք այս ոլորտում առաջընթաց տեսնել, շուտով բանակցություններ կսկսվեն Հնդկաստանի եւ Եվրասիական տնտեսական հանձնաժողովի միջեւ, եւ մենք հանդես ենք գալիս հնարավորինս արագ ինտեգրման օգտին»,- հավելել է նա: