Կիեւում 20-ամյա մայրը հանուն սիրեկանի բնակարանում 2 երեխաներին 9 օրով միայնակ է թողել։ 1 տարեկան երեխան մահացել է, իսկ 2 տարեկան աղջիկը մահվան շեմին է, հայտնում է 112.ua–ն։
Ոստիկանությունն ահազանգ էր ստացել գիշերը։ 20-ամյա մայրը, տուն վերադառնալով, իր մեկամյա տղային մահացած էր գտել, իսկ 2 տարեկան աղջկան՝ անգիտակից վիճակում։
«Ոստիկանությունը պարզել է, որ Նիկոլաեւի մարզի 20-ամյա բնակչուհին 2 երեխաներին տանը մենակ էր թողել, իսկ երբ վերադարձել էր, մեկամյա տղային մահացած էր գտել, իսկ 2 տարեկան աղջկան՝ անգիտակից վիճակում»,– ասված է հաղորդագրության մեջ։
Ոստիկանության քննչական բաժնի ներկայացուցիչ Ալեքսանդր Սամուսենկոյի խոսքով՝ տղայի մարմինն ուղարկել են դիահերձարան, իսկ աղջկա կյանքի համար պայքարում են բժիշկները։
Քննիչները պարզել են, որ երեխաներին տանը թողնելով՝ կինը ժամանակ էր անցկացնում սիրեկանի հետ։
Իրավապահները ձերբակալել են մորը եւ քրեական գործ հարուցել։ Նրան մինչեւ 8 տարվա ազատազրկում է սպառնում։