Եթե պետությունը աշխատավարձերը բարձրացնի, արդյունքում կշահի: Այս մասին դեկտեմբերի 6-ին՝ ԱԺ-ում հայտարարեց տնտեսական հարցերով մշտական հանձնաժողովի փոխնախագահ, ԲՀԿ-ական պատգամավոր Միքայել Մելքումյանը, որն առաջարկեց նվազագույն աշխատավարձը 55 հազարից մինչեւ 100 հազար դրամ (մոտ 210 դոլար) բարձրացնել:

Նրա հաշվարկներով՝ պահանջարկի սահմանային հակվածության գործակիցը Հայաստանում կազմում է 0,95: Հետեւաբար՝ աշխատավարձի ցանկացած հավելման 95 տոկոսը Հայաստանի բնակիչները կձգտեն ծախսել սնունդի, հագուստի, դեղերի վրա, ցանկացած բանի վրա: «Նրանք որքան շատ ամեն ինչ գնեն եւ սպառեն, այնքան շատ հարկեր կգոյանան: Այսինքն՝ դուք նախ կծախսեք աշխատավարձերի բարձրացման վրա, իսկ հետո կշահեք հարկերից: Էլ ինչի՞ց եք վախենում»,- հարցրեց Մելքումյանը:

Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով:

Ի պատասխան ֆինանսների նախարար Վարդան Արամյանը հայտարարեց, որ այդ դեպքում ստիպված կլինեն համաչափորեն բարձրացնել մնացած բոլոր աշխատավարձերը (աշխատավարձերի հարաբերակցությունը, աշխատողների որակավորումը եւ պատասխանատվությունը պահպանելու համար), ինչն իրատեսակն չէ: