«Հիմնադիր խորհրդարանի» համակիր, անազատության մեջ գտնվող Հովհաննես Ղազարյանը դեկտեմբերի 5-ին դադարեցրել է մեկ շաբաթ առաջ սկսած հացադուլը։ Այս մասին այսօր՝ դեկտեմբերի 6-ին, NEWS.am-ի հետ զրույցում ասաց նրա շահերի պաշտպան Անի Չատինյանը։
«Թեեւ նրա պահանջը չի բավարարվել, բայց նա որոշել է դադարեցնել հացադուլը։ Երեկ է դադարեցրել, այսօր հանդիպել եմ, իրեն լավ էր զգում»,-ասել է պաշտպանը։
Հիշեցնենք, որ Հովհաննես Ղազարյանը մեղադրվում է ՀՀ Քրեական օրենսգրքի 225-րդ հոդվածի 2-րդ մասով նախատեսված գործողություններ կատարելու մեջ՝ «զանգվածային անկարգությունների ժամանակ դրանց մասնակցի կողմից բռնություն գործադրելը, ջարդ կամ հրկիզում իրականացնելը, գույք ոչնչացնելը կամ վնասելը, հրազեն, պայթուցիկ նյութեր կամ պայթուցիկ սարքեր գործադրելը կամ իշխանության ներկայացուցչին զինված դիմադրելը»:
Նա կալանավորվել է հուլիսի 29-ին՝ Սարի թաղի գործով:
