Հայաստանի ԱԻՆ-ում, այսօր՝ դեկտեմբերի 6-ին, ժամը 14.52-ին ահազանգ է ստացվել, որ Սիսիան-Գորիս ավտոճանապարհի 9-րդ կմ-ին տեղի է ունեցել ավտովթար, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «VAZ 2106» մակնիշի 29 OL 970 hամարանիշի (վարորդ` 43-ամյա Վ. Մ.) և «Hundai Logo» մակնիշի 29 US 664 hամարանիշի (վարորդ՝ 32-ամյա Վ. Խ.) ավտոմեքենաները:
Մինչև հրշեջ-փրկարարների կանչի վայր հասնելը «Hundai Logo» ավտոմեքենայի վարորդ՝ Վ. Խ.-ն, ուղևորներ՝ 7-ամյա Զ. Խ.-ն և 27-ամյա Է. Ե.-ն տեղի ուժերով տեղափոխել են Սիսիանի ԲԿ, որտեղ բժիշկները տուժածների առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենաները և փակել գազի բալոնների փականը:
