Կանադայի վարչապետ Ջաստին Թրյուդոն սիրիահայ տղայի ելույթի ժամանակ չի կարողացել զսպել արցունքները։
Վարչապետը կլոր սեղան էր հրավիրել փախստականների փոքր խմբի համար, որպեսզի քննարկեն Կանադայում սիրիացի փախստականների գտնվելու առաջին տարվա խնդիրները, հայտնում է CBC–ն։
Դիմելով վարչապետին՝ Վանիկ Կարապետյանը հիշել էր, թե ինչպես է ինքը բարձրացել Բեյրութից Տորոնտո մեկնող օդանավ։ Նրա ձեռքը սեղմել էր մի կանացի եւ ասել. «Եկե՛ք Կանադա եւ այն ավելի լա՛վը դարձրեք»։
«Հետո մենք վայրէջք կատարեցինք Փիրսոնի օդանավակայանում, եւ առաջին մարդը, որը սեղմեց մեր ձեռքը, վարչապետն էր»,– պատմել է Կարապետյանը։
Նրա խոսքով՝ իր համար հատկապես կարեւոր էին վարչապետի բառերը. «Բարի՛ գալուստ տուն», չէ՞ որ, երբ դու լքում ես քո տունը, հատկապես կարեւոր է լսել նման բառերը