2016-ին ԱՄՆ-ում ապաստան խնդրող ռուսաստանցիների քանակը ռեկորդային է եղել վերջին 12 տարիների համար, հայտնել է «Ազատություն» ռադիոկայանը, վկայակոչելով ԱՄՆ ներքին անվտանգության նախարարությունը։

2015-ի վերջից մինչեւ 2016-ի սեպտեմբերի վերջ ռուսաստանցիներն ապաստան տրամադրելու մասին 1912 դիմում են ձեւակերպել։ Այս ցուցանիշը 31 տոկոսով շատ է 2015-ի համեմատ։

1994-ին 2127 նման դիմում էր ներկայացվել։

Բայց Ռուսաստանից մեկնել ցանկացողներն ապաստան ստանալու համար ամենաշատը եվրոպական երկրներին են դիմում։ Միայն 2016-ի 2-րդ եռամսյակում եվրոպական երկրներին ներկայացված դիմումների թիվը կազմել է 11․6 հազար։