Opel ընկերությունը պաշտոնապես ներկայացրել է նոր սերնդի Insignia հեչբեքը, որը ստացել է Grand Sport անվանումը։ Մոդելի պլատֆորմը փոխված է, այն ունի նոր լիաքարշակ համակարգ եւ ադապտացված շասսի, որը հարմարվում է մեքենայի տիրոջ վարման ոճին, հայտնում է Motor–ը։
Նոր Insignia–ն պատրաստված է E2XX պլատֆորմի վրա, որն արդեն օգտագործվում էր Chevrolet Malibu–ի համար։ Մեքենայւի թափքը մոտ 60 կգ–ով թեթեւ է, քան նախկինում, իսկ զանգվածը, մոդիֆիկացիայից կախված, պակասել է մինչեւ 175 կգ։
Հեչբեքն ունի լիաքարշակ համակարգ։ Ադապտացված FlexRide շասսին աշխատանքի 3 ռեժիմ ունի՝ Standard, Sport եւTour, որոնք ընտրում է վարորդը։ Դրանք փոխում են ամորտիզատորների կագավորումները, ղեկի կառավարումը, 8-աստիճանի ավտոմատ փոխանցման տուփը, գազի ոտնակը սեղմելիս կայունացման համակարգը։ Ընդ որում, մեքենայի էլեկտրոնիկան կարող է ինքնուրույն սովորել վարորդի վարելաոճը՝ վելուծելով այն եւ հարմարվելով դրան։