Հայաստանի մարզերում անշարժ գույքի սեփականատերերը կպարտավորեցնեն հետեւել դրա շրջակայքի բարեկարգմանը: Դեկտեմբերի 7-ին ՀՀ Ազգային ժողովում այս մասին հայտարարել է տարածքային կառավարման եւ զարգացման փոխնախարար Վաչե Տերտերյանը՝ ներկայացնելով «Տեղական ինքնակառավարման մասին» օրենքում փոփոխությունների նախագիծը:
Նրա խոսքով՝ նման պարտավորություն մասնավոր հատվածն արդեն ունի Երեւանում, հիմա առաջարկվում է դա տարածել նաեւ մյուս քաղաքներում եւ գյուղերում: Բարեկարգման աշխատանքների կարգը կսահմանի տվյալ համայնքի ավագանին:
