Գյումրիում այսօր՝ դեկտեմբերի 7-ին, վարչապետ Կարեն Կարապետյանը հանդիպում է ունեցել Շիրակի մարզի համայանքապետերի հետ եւ նրանց հետ քննարկել Շիրակի մարզի հիմնախնդիրները: Նա նշել է, որ առաջնահերթ է Շիրակի մարզում զարգացնել բիզնեսը եւ ստեղծել աշխատատեղեր:
«Շիրակում բիզնեսի զարգացումը, աշխատատեղեր ստեղծելը պետք է դառնա մեր համար առաջին խնդիրը: Շատերը կարծում են, որ ես բիզնես, բիզնես եմ ասում՝ ուրեմն բիզնես շահերի կողմնակից եմ, բայց այլ տարբերակ չկա՝ աշխատատեղեր ստեղծողը, հարկեր վճարողը բիզնեսն ա»,-ասել է նա:
 |
Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով: |
Վարչապետը համայնքապետերին կոչ է արել իրենց համայնքների զարգացման համար հստակ ծրագրեր մտածել եւ աշխատել դրանց իրագործման ուղղությամբ:
«Մենք պետք է հասկանանք, թե որտեղ կարող ենք գումար ներդնել, որպեսզի մաքսիմալ էֆեկտ ստանանք: Ադ պատճառով համայնքի ղեկավարներին հստակ խնդրում եմ, որպեսզի ուշադիր լինեն իրենց համայնքի բյուջեի պլանավորմանը: Կարծում եմ, որ գալու եւ վերջանալու է այն պահը, երբ ինչքան խեղճ ենք եւ վզներս ծուռ, էդքան օգնությունը շատ է լինելու: Մեկս մյուսին քոմակ պահելով պետք է այս երկիրն այս վիճակից դուրս բերենք: Այն համայնքներում, որտեղ համայնքապետը ղոչաղ ձեւով գալու է ասեի՝ ես էս եմ անելու, սա այսպես է լինելու, մենք նրա կողքին կանգնած ենք լինելու, նրան փորձելու ենք ոգեւորել»,-ասել է նա:
