Instagram-ը ներկայացրել է մեկնաբանությունները «լայքելու», մեկնաբանությունները անջատելու եւ հետեւորդներ հեռացնելու ֆունկցիաները: Դրանք հասանելի կլինեն առաջիկա շաբաթների ընթացքում, ասվում է ծառայության բլոգում:
Այժմ մեկնաբանություններ անջատելու ֆունկցիան ոչ բոլոր օգտատերերին է հասանելի: Առաջիկա մի քանի շաբաթների ընթացքում ընկերությունը այն հասանելի կդարձնի բոլորի համար: Օգտատերերը կկարողանան առանձին հրապարակումների մեկնաբանություններն անջատել՝ բացելով ֆոտո կամ վիդեո ներբեռնման էկրանին լրացուցիչ պարամետրերը եւ ընտրելով «Անջատել մեկնաբանություններ» կետը: Մեկնաբանությունները կարելի անջատել հրապարակումից հետ ցանկացած պահի:
Մեկնաբանությունների անջատումը հարթակի ամենակարեւոր նորամուծություններից է, գրում է TechCrunch-ը: Բազմաթիվ հանրային մարդիկ ստիպված են լինում իրենց էջը փակել՝ խուսափելով նեգատիվ մեկնաբանություններից: Այս նոր գործիքը թույլ կտա խուսափել այդ խնդրից:
Instagram-ի օգտատերերը հնարավորություն կստանան նաեւ հեռացնել իրենց հետեւորդներին՝ նրանց էջը արգելափակելու փոխարեն: Ընդ որում հետեւորդը ծանուցում չի ստանա դրա մասին: Այս ֆունկցիան դուր կգա նրանց, ովքեր ցանկանում են հանրայինից փակ էջ դարձնել իրենց աքաունթը:
Ծառայության նորամուծություններից է նաեւ մոկնաբանությանը լայք դնելը: Այս ֆունկցիայի փորձարկումը սկսվել էր 2016 թվականի նոյեմբերին: