Սեպտեմբերի 6-ին ոստիկանության Էրեբունու բաժին էր դիմել մի կին եւ հայտնել, որ նախորդօրը գիշերը գողացել են իր «ՎԱԶ-2104» մակնիշի ավտոմեքենայի անվադողերը: Մեքենան կայանված էր եղել Տիգրան Մեծ պողոտայի 45 շենքի դիմաց, հենց ճանապարհի վրա:
Նոյեմբերի 21-ին ոստիկանության Էրեբունու բաժնում ստացվել է գողության վերաբերյալ մեկ ուրիշ հաղորդում, տուժած քաղաքացին հաղորդել էր, որ Նար Դոսի փողոցում կայանված իր մեքենայի բեռնախցիկից գողացել են 5 պարկ կարտոֆիլ եւ մեքենայի բարձրախոսները:
Քանի որ գողության երկու դեպքերի վայրերի հեռավորությունը մի քանի տասնյակ մետր էր եւ երկու դեպքում՝ էլ չարամիտը չափազանց անփույթ էր գործել, իրավապահները ենթադրել են, որ դա կատարել է նույն անձը: Ավելի ուշ պարզվել է, որ այդ կասմածները ճիշտ են եւ բերման է ենթարկվել սարիթաղցի, 34-ամյա Գեւորգ Ա.-ն: Նա խոսքովանել է, որ գողություններն ինքն է կատարել: