ՌԴ ՆԳՆ եւ ԱԴԾ աշխատակիցները Մոսկվայի տարածքում ձերբակալել են ահաբեկչական կազմակերպությունների 12 անդամների, հայտնում է «ՌԻԱ Նովոստի»–ն։
«Ծայրահեղականության դեմ պայքարի կենտրոնի օպերատիվ աշխատակիցները ՌԴ ԱԴԾ եւ ՆԳՆ աշխատակիցների հետ համատեղ ձերբակալել են 12 քաղաքացիների, որոնք ահաբեկչական կազմակերպություններից մեկի ակտիվ մասնակիցներ եւ ղեկավարներ են»,– ասված է ՆԳՆ հայտարարության մեջ։
Ավելի վաղ հաղորդվում էր, որ Մոսկվայի եւ Մերձմոսկովյան շրջանի ուժային կառույցների աշխատակիցները ձերբակալել են 20 մարդու, որոնց կասկածում են ծայրահեղականության մեջ։
