Խորհրդարանական ընտրություններին մասնակցելու վերաբերյալ քննարկումներում զարգացումներ կան, սակայն դեռ հրապարակման ենթակա չեն: Այս մասին NEWS.am-ի հետ զրույցում ասել է «Համախմբում» կուսակցության անդամ, Աժ պատգամավոր ՍտեփանՄարգարյանը:
Նշենք, որ լուրեր կան, որ հնարավոր է այս կուսակցությունը դաշինք կազմի ԲՀԿ-ի հետ: Այս հարցի վերաբերյալ Ստեփան Մարգարյանն ասաց՝ քննարկումներ չկան:
«Այս պահին այդպիսի բան չկա, իրենք հետ քննարկումներ չկան»:
Հարցին՝ կա՞ն կուսակցություններ, որոնց հետ բացառում են համագործակցությունը, պատգամավորն ասաց. «Մենք այս պահին գնում նք հենք ստեղծելու ուղղությամբ, չենք ուզում հենց այնպես դաշինք կազմենք: Վիճակը շատ բարդ է եւ ծանր: Ազգային ժողով մտնելը առանձնապես կարեւոր չէ մեզ համար, եթե մեզ կհաջողվի ստեղծել իսկապես հենք, եւ կհամընկնի դա, մենք չենք նայի՝ ով է, մենք կգնանք այդ ուժերի հետ»,-ասել է Ստեփան Մարգարյանը՝ նշելով, որ արտաքին ու ներքին քաղաքականության վերաբերյալ մոտեցումները պետք է համընկնեն: