Ռուսաստանն անում է հնարավոր ամեն բան, որպեսզի Հայաստանի կախվածությունը մեծանա, որպեսզի ամեն նռնակը, ամեն արկը մենք խնդրենք։ Այս մասին դեկտեմբերի 7-ին՝ մամուլի ասուլիսի ժամանակ, ասել է առաջին հետախուզա–դիվերսիոն ջոկատի հիմնադիր–հրամանատար Վովա Վարդանովը։
Նրա խոսքով՝ եթե մենք ռուսներին նայեինք, ապա մեզ Երեւանի շուրջ Արարատյան Հանրապետությունը կմնար։ «Միշտ, երբ մենք չենք լսել ռուսական կողմին, հաջողություն ենք գրանցել, եւ հիմա մենք չպետք է հաշվի առնենք նրանց կարծիքը»,– նշեց Վովա Վարդանովը։
