ՀՀ վարչապետ Կարեն Կարապետյանը «Հայռուսգազարդ» ընկերությունում Հայաստանի կառավարության 20 տոկոս մասնաբաժինը 300 միլիոն դոլար պարտքի դիմաց «Գազպրոմ» ընկերությանը զիջելու գործարքը ճիշտ է համարում: Այս մասին այսօր՝ դեկտեմբերի 7-ին, Ազգային ժողովում կառավարության հետ հարցուպատասխանի ժամանակ ասաց Կարեն Կարապետյանը, պատասխանելով ԲՀԿ խմբակցության պատգամավոր Տիգրան Ուրիխանյանի՝ արդյոք անտրամաբանական չի համարում, որ կառավարությունը իր ակտիվներով կարող է ինչ-որ բանի դիմաց վճարել:
«Ես դրանում որեւէ անտրամաբանական բան չեմ տեսնում, որ դու կարող ես քո ակտիվներով վճարել որեւէ բանի դիմաց, հատկապես երբ դու նվազեցնում ես արտաքին պարտքը»,- նշեց վարչապետը:
Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով: |
կարեն Կարապետյանը նշեց, որ համաձայն չէ այն դիտարկմանը, թե այդ գործարքը հանգեցրել է այն բանին, որ «Գազպրոմ»-ը Հայաստանի համար բարձրացրեց գազի սակագինը. «Բոլոր ժամանակներում Հայաստանի համար գազի գինը եղել է նվազագույն հնարավորը տարածաշրջանում: Որեւէ պահ չի եղել, որ Հայաստանին գազի գինը մատակարվել է տարածաշրջանում ոչ ամենաէժան գնով»:
Կարեն Կարապետյանը նշեց, որ պատգամավորի դիտարկումը, թե ինքը «Հայռուսգազարդ»-ի կառավարության մասնաբաժինը «Գազպրոմ»-ին զիջելու գործարքի պահին աշխատել է «Գազպրոմ» ընկերությունում ու մասնակից է եղել այդ գործարքին, նշեց. «Ես «Գազպրոմ»-ում եղել եմ տնօրենների խորհրդի անդամ եւ կառավարման մենեջեր երեք կազմակերպությունում: Երեքից ոչ մեկը Հայաստանի հետ որեւէ կապ չուներ, ես այդ գործարքին չեմ մասնակցել: Եվ կրկնում եմ՝ ես այդ գործարքը համարում եմ տրամաբանական»: