Կրթության ու գիտության նախարարությունը ներդրող է գտել Հայաստանում արեւմտահայերենի դպրոցի համար։ Այս մասին դեկտեմբերի 7-ին ԱԺ-ում կառավարական ժամի ընթացքում ասել է կրթության ու գիտության նախարար Լեւոն Մկրտչյանը, պատասխանելով ՀՀԿ պատգամավոր Ռուզաննա Մուրադյանի հարցին։
Ապագայում նախարարությունն ուզում է վերափոխել այն ու դրաձնել երկլեզու մշակութային կենտրոն (արեւմտահայերեն ու արեւելահայերեն) հավելեց նա։
«Նման կենտրոնը շատ կարեւոր է նաեւ Հայաստանում սփյուռքահայ ուսուցիչների վերապատրաստման համար` արդեն արեւմտահայերենի ու հայոց լեզվի դասական ուղղագրության հիման վրա։ Այդ ուղղագրությունը պահպանելը մեր պարտականությունն է»,- հայտնել է նախարարը։