Բանգլադեշում 6 մարդ է մահացել՝ ռեստորանում ֆուգու ձկով պատրաստված ուտեստ համտեսելու հետեւանքով, հայտնում է Life-ը:
Եվ 17 մարդ թունավորվել է, սակայն հիվանադանոցից հայտնել են, որ այժմ նրանց կյանքին ոչ մի վտանգ չի սպառնում:
Չարաբաստիկ ռեստորանը գտնվում է Բանգլադեշի հյուսարեւելյան հատվածում՝ Սիլխետ շրջանում: Այն բավական հանրաճանաչ վայր է, որտեղ հաճախ երեխաների հետ են այցելում: Զոհվածների թվում են երկու երեխաներ: Բժիշկները խորհուրդ են տվել այսուհետեւ հրաժարվել այս մթերքի օգտագործումից:
Նշենք, որ ֆուգուն ճապոնական խոհանոցի համադամ ուտեստներից մեկն է: Ձկան որոշ ներքին օրգաններում մարդու համար մահացու թույն է պարունակվում: Այդուհանդերձ այն շարունակվում է օգտագործվել, եւ ամեն տարի ուտեստը համտեսելով մի քանի մարդ է մահանում: