Լոնդոնի Shish ռեստորանը բոլոր անտուններին կամ միայնակ տարեցներին, որոնք Սուրբ Ծնունդը ոչ ոքի հետ չեն կարող տոնել, հրավիրում է տոնը նշել հարմարավետ վայրում, անվճար ընթրիքով: Այս մասին գրում է Life-ը՝ վկայակոչելով theuk.one կայքը:

Առաջարկն արագորեն լայն արձագանք է ստացել լոնդոնցիների շրջանում: Շատերը ցանկություն են հայտնել ռեստորանի աշխատակազմին կամավոր օգնել՝ կազմակերպել բարեգործական ընթրիքը: Նրանք կօգնեն ընդունել եւ տեղավորել հյուրերին, ուտեստներ պատրաստել, իսկ ընթրիքից հետո հավաքել սրահն ու լվանալ սպասքը: