Սաուդյան Արաբիան չարաշահում է իսլամը եւ Մերձավոր Արեւելքում հակամարտությունների նկատմամբ «խաղավարի» դիրք է գրավել: The Guardian-ի փոխանցմամբ՝ այս մասին հայտարարել է Մեծ Բրիտանիայի ԱԳ նախարար Բորիս Ջոնսոնը:
«Քաղաքական գործիչներ կան, որոնք կրոնը չարաշահում են սեփական քաղաքական շահերի հետագա առաջմղման նպատակով: Ամբողջ տարածաշրջանում սա ամենամեծ քաղաքական խնդիրներից մեկն է: Եվ դա ինձ համար ողբերգություն է: Եվ հենց այդ պատճառով են պատերազմները ուրիշի ձեռքերով վարվում»,- ասել է նա:
ԱԳ նախարարն այնուհետեւ ընդգծել է «ուրիշի ձեռքերով պատերազմները մանիպուլացնելու եւ ծավալելու» հարցում Սաուդյան Արաբիայի եւ Իրանի դերը: Նա նաեւ նշել է, որ Մերձավոր Արեւելքի երկրներում չկա հեռատես ղեկավարություն, որն ընդունակ կլինի հաշտեցնելու սուննիներին եւ շիաներին:
