Samsung Galaxy S8 ֆլագմանը կարող են ներկայացնել 2017 թվականի մարտին կամ ապրիլին, հայտնում է Bloomberg–ը։
Ըստ առկա տեղեկությունների՝ հեռախոսն իրոք առանց շրջանակի դիսփլեյ կունենա, իսկ գլխավոր էջ տանող ֆիզիկական կոճակը կվերանա։ Բացի այդ, ենթադրվում է, որ սմարթֆոնը կունենա վիրտուալ նոր օգնական։
Գործակալությունը նշում է, որ Samsung–ին անհրաժեշտ է, որ Galaxy S8 հիթ դառնա Note 7–ի հետ կապված սկանդալի ֆոնին, որը կարող է արտադրությանը ավելի քան 6 մլրդ դոլարի վնաս հասցնել։
Հաղորդվում է, որ Galaxy S8–ի շնորհանդեսը պլանավորվում է մարտին, սակայն բացառված չէ, որ այն լրացուցիչ ստուգումների պատճառով ներկայացվի ապրիլին։