Կառավարությունը կստեղծի Հայաստանի իրավազորության հիմնադրամ: Այս մասին որոշումն ընդունվել է դեկտեմբերի 8-ին՝ կառավարության նիստում:

Տնտեսական զարգացման եւ ներդրումների նախարար Սուրեն Կարայանը հայտարարեց, որ հիմնադրամը ենթակառուցվածքային որոշումներ կմշակի ֆինանսական, հարկաբյուջետային եւ դատական ոլորտներում, նոր օրինագծերի եւ այլ ակտերի նախագծեր: Մյուս խնդիրներն են Հայաստան ֆինանսներ եւ տեխնոլոգիաներ ներգրավելը, Հայաստանի միջազգային վարկանիշի բարձրացմանը նպաստելը, արտադրողականության եւ կառավարման նոր չափանիշների ներդրումը, երկրի ներդրումային հնարավորությունների բարձրացումը:

Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով:

Հիմնադրամը ոչ միայն տնտեսությամբ եւ իրավունքով կզբաղվի, այլ նաեւ կաշխատի հանուն ազգային կերպարի փրկության: Նշված նպատակներից մեկն է՝ «երկրի գլոբալացման համար հնարավորությունների ստեղծումը եւ միաժամանակ՝ ազգային արժեքների պահպանումը»:

Նշենք, որ տնտեսական զարգացման խնդիրները նույնանուն նախարարության իրավասությունն են, որն այդ նպատակով էլ վերանվանեցին: Սակայն վերանված նախարարությունն անմիջապես իրեն կից «դուստր կազմարկերպություն» է ստեղծել:

Հայաստանում համանման անուններով կազմակերպություններից արդեն գործել են Ազգային մրցունակության հիմնադրամը եւ Զարգացման հայկական գործակալությունը, որոնց ժառանգորդը դարձավ Հայաստանի զարգացման հիմնադրամը: