Բելգիայում  Թենիսի միջազգային ֆեդերացիայի մրցաշարի ժամանակ դրույքների հետ կապված խարդախության կասկածանքով ձերբակալվել է մոտ 50 մարդ, հայտնում է Derniere heure–ը։

Թերթի տեղեկություններով՝ ձերբակալվածները բուքմեքերական գրասենյակներում դրույքներ են կատարել այն հանդիպումների վրա, որոնց արդյունքները նախապես հայտնի են եղել։ Բրյուսելի, Անտվերպենի, Գենտի եւ Բրյուգգեի դատախազություններն արդեն 18 քրեական գործ են հարուցել։ Քննչական մարմինները կարծում են, որ խարդախության հետեւում հայաստանցիներ են կանգնած։

Քննությունը չի բացառում, որ մեծամասշտաբ խարդախությունների հետ կապված ձերբակալություններ կարող են լինել նաեւ Եվրոպայի այլ երկրներում։