ՄԱԿ-ի նախաձեռնությամբ դեկտեմբերի 9-ին նշվում է Կոռուպցիայի դեմ պայքարի միջազգային օրը։ Այս օրը ՝2003-ին, Մեքսիկայի Մերիդա քաղաքում երկրներին առաջարկվել է ստորագրել Կոռուպցիայի դեմ ՄԱԿ-ի հռչակագիրը, որը ընդունվել էր 2003-ի նոյեմբերի 1-ին ՄԱԿ Գլխավոր վեհաժողովի կողմից։ Փաստաթուղթն այն ստորագրած պետություններին պարտավորեցնում է քրեական հանցագործություն գնահատել կաշառքը, բյուջետային միջոցների յուրացումը ու կոռուպցիոն եկամուտների լվացումը։ Ըստ հռչակագրի պայմաններից մեկի՝ անհրաժեշտ է միջոցները վերադարձնել այն երկիր, որտեղից դրանք ստացվել են կոռուպցիայի արդյունքում։ 2003-ի հռչակագիրը նմանատեսակ առաջին փաստաթուղթն է։ Այն առանձնապես կարեւոր է այն երկրների համար, որտեղ բոլոր կառույցների կոռումպացվածությունը վնասում է ազգային բարեկեցությանը, հայտնում է Calend –ը։