Ուկրաինայի Գերագույն ռադան իր համաձայնությունն է տվել գլխավոր դատախազությանը ժողովրդական պատգամավոր, «Ընդդիմադիր բլոկ» խմբակցության անդամ Վադիմ Նովինսկուն քրեական պատասխանատվության ենթարկելու համար: Համապատասխան որոշման օգտին է քվեարկել 228 պատգամավոր, փոխանցում է «112.ua»-ը:
Խորհրդարանի լիագումար նիստում Նովինսկու վերաբերյալ միջնորդագիրը ներկայացրել է գլխավոր դատախազ Յուրի Լուցենկոն: Իր ելույթում նա քրեական վարույթից մանրամասներ է հայտնել եւ նրան քրեական պատասխանատվության ենթարկելու անհրաժեշտությունը հիմնավորել է «հովանավորչություն» եւ «մարդուն ապօրինի ազատությունից զրկելը կամ առեւանգելը» հոդվածներով՝ Ուկրաինայի ուղղափառ եկեղեցու Մոսկվայի պատրիարք արքեպիսկոպոս Ալեքսանդրին (Դրաբինկո) ապօրինի ազատությունից զրկելու փաստով:
Ամբիոնից ելույթ ունենալիս պատգամավորն, իր հերթին, հերթական անգամ հայտարարել է իր անմեղության մասին:
