Հայաստանը ողջունում է միջազգային բեռնափոխադրումների ազատականացումը: Այս մասին, այսօր՝ դեկտեմբերի 8-ին, Մոսկվայում մասնակցել է «Տրանսպորտային շաբաթ-2016» միջոցառումների շրջանակներում անցկացվող Եվրասիական տնտեսական միության (ԵՏՄ) անդամ պետությունների տրանսպորտի նախարարների 5-րդ խորհրդակցության ժամանակ նշել է ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը:
Նախարարությունից NEWS.am-ին հայտնում են, որ ողջունելով խորհրդակցության մասնակիցներին՝ նախարար Վահան Մարտիրոսյանն իր ելույթում անդրադարձել է ԵՏՄ անդամ պետությունների շրջանակներում տրանսպորտի ոլորտում համագործակցության առաջնահերթություններին և հնարավորություններին։
Սպառողական վարկեր առանց գրավի մինչև 2,000,000 ՀՀ դրամ Մինչև դեկտեմբերի 30-ը «Մինչև 2,000,000 ՀՀ դրամ առանց գրավի սպառողական վարկերը» տրամադրվում են ավելի ցածր՝ ընդամենը 19-21% տարեկան տոկոսադրույքով: |
Անդրադառնալով կաբոտաժային ավտոմոբիլային բեռնափոխադրումների ծրագրին՝ նախարարը նշել է, որ այն ուղղված է ընդհանուր շուկայի զարգացմանը և տրանսպորտային ծառայությունների որակի բարձրացմանը.
«Հայաստանը ողջունում է միջազգային բեռնափոխադրումների գործընթացի ազատականացումը, ֆիզիկական և ոչ ֆիզիկական արգելքների վերացումը, որոնք խանգարում են բեռնափոխադրումների արդյունավետ իրագործմանը»,- ասել է Վ. Մարտիրոսյանը:
Նախարարը կարևորել է «Համաձայնեցված տրանսպորտային քաղաքականության» նախագծի մշակումը և նշել է, որ այն կնպաստի միասնական տրանսպորտային տարածության ու տրանսպորտային ծառայությունների ընդհանուր շուկայի ստեղծմանը:
Նիստի ընթացքում քննարկվել են նաև ԵՏՄ անդամ պետությունների տարածքում ազատ տրանզիտային փոխադրումներին, օդային հաղորդակցության ընդլայնմանը, միջազգային ավտոմոբիլային փոխադրումներին, ենթակառուցվածքային ծրագրերին վերաբերող, և մի շարք այլ հարցեր։
Արձանագրվել է, որ մինչև 2025թ. տրանսպորտային շուկաները պետք է ամբողջությամբ բաց լինեն ԵՏՄ անդամ երկրների համար։