Ադրբեջանի եւ Հայաստանի միջեւ հակամարտությունը սպառնալիք է ներկայացնում Եվրոպայի անվտանգության համար: Այս մասին, այսօր՝ դեկտեմբերի 8-ին, Համբուրգում ընթացող ԵԱՀԿ արտգործնախարարների խորհրդի 23-րդ նիստում հայտարարել է ԱՄՆ պետքարտուղար Ջոն Քերրին։
«Ուկրաինայի շուրջ ստեղծված ճգնաժամը միակ վտանգը չէ, որին բախվել է Եվրոպան: Հայաստանի եւ Ադրբեջանի միջեւ, ինչպես նաեւ Մոլդովայում, Վրաստանում ձգձգված հակամարտությունները նույնպես վտանգ են ներկայացնում Եվրոպայի անվտանգության համար»,- նշել է Քերրին իր խոսքում:
