Lexus ավտոմոբիլների ապրանքանիշը նոր IS սեդանի գովազդի շրջանակում ներկայացրել է հատուկ տարբերակ, որը ստացել է LIT IS անվանումը։ Այս մասին հայտնում է Highsnobiety–ն։
Մեքենայի կորպուսը ծածկված է 42 հազար լուսային դիոդներով, որոնք թույլ են տալիս փոխել մեքենայի գույնը։ Մեքենան մեկ նմուշով է, դա Vevo վիդեոկայքի հետ իրականացված համատեղ նախագիծ է։ Մեքենան օգտագործել են բրիտանացի երգչուհի Dua Lipa–ի Be the One հոլովակի նկարահանման ժամանակ։
Մեքենայի վրա ամրացրած լուսային դիոդներն ամբողջ հզորությամբ 175 հազար լյումեն լույսի հոսք են ստեղծում։ Հատուկ ծրագրային ապահովման միջոցով դրանց վրա կարելի է տեքստ եւ անիմացիոն պատկերներ հավաքել։