Լեհաստանի գլխավոր դատախազությունը հաստատել է, որ մեծ է հավանականությունը, որ Սմոլենսկի մոտ ավիավթարի զոհերից մեկի գերեզմանում ուրիշ մարդու դիակ է, հայտնում է RMF–ը։
Ռադիոկայանի տվյալներով՝ խոսքը Լեհաստանի Օլիմպիական կոմիտեի նախկին ղեկավար Պետեր Նուրովսկու մասին է, որի արտաշիրիմման ժամանակ այլ մարդու մասունքներ են հայտնաբերվել։
Միաժամանակ հաղորդվում է, որ այդ եզրակացությունները նախնական են եւ արված են միայն վիզուալ զննության եւ բժշկական փաստաթղթերի վերլուծության հիման վրա։
Փորձագետները դեռեւս չունեն ԴՆԹ հետազոտության արդյունքը, որը վերջ կդնի կասկածներին։