«Համախմբում» կուսակցության ներկայացուցիչ, պատգամավոր Ստեփան Մարգարյանը կարծում է, որ ԲՀԿ նախկին առաջնորդ Գագիկ Ծառուկյանի քաղաքականություն վերադարձը սպառնալիք չէ ոչ իշխանական կուսակցությունների ընտրազանգվածին։ Այս մասին NEWS.am-ի հետ զրույցում ասել է Ստեփան Մարգարյանը։
«Կարծում եմ՝ մեկ ուժով դա չի կարող լինել, կլինի այն դեպքում եթե իրենց ընդդիմադիր հայտարարած կուսակցությունները միավորվեն մեկ դաշինքի մեջ։ ես դա համարում եմ մի քիչ ուտոպիա, համարում եմ՝ ասենք 2-3 ոչ իշխանական դաշինքներ, որը նորմալ կլինի, եւ ընտրողը հեշտ կկողմնորոշվի։ Այս դեպքում ընդդիմադիր ձայները կգնան այդ ուժերին»,-ասել է Ստեփան Մարգարյանը։
Նշենք, որ օրեր առաջ ԲՀԿ ղեկավար Նաիրա Զոհրաբյանն հայտարարեց, որ Ծառուկյանը վերադառնում է քաղաքականություն, ինչից հետո մեկնաբանություններ եղան, որ Ծառուկյանի վերադարձը համաձայնեցված է Սերժ Սարգսյանի հետ եւ նպատակ ունի տիրանալ ընդդիմադիր ընտրազանգվածին։
