Բոլիվիայի հարավ-արեւմուտքում առնվազն 13 մարդ է զոհվել ու եւս տասն էլ վիրավորում ստացել, երբ ավտոբուսն ընկել է զառիթափից։ Այս մասին հայտնում է Universal թերթը։
Թերթի տվյալներով, միջադեպը տեղի է ունեցել դեկտեմբերի 8-ին։ Չիլիի Իկիկե քաղաքից Բոլիվիայի Կոչաբամբու քաղաք ուղեւորվող ավտոբուսի վարորդը կորցրել է կառավարումը, երբ փորձել է առաջ անցնել թրեյլերից։ Դրա հետեւանքով ավտոբուսը դուրս է եկել երթեւեկելի մասից ու ընկել զառիթափից, հայտնում է «ՌԻԱ Նովոստին»։
Վթարի հանգամանքները պարզվում են։ Ոստիկանությունը հայտնում է, որ զոհերի թիվը կարող է ավելանալ։